Arteriell blodgass
Arteriell blodgass er ein blodprøve som blir brukt til å vurdere lungefunksjonen og balansen mellom oksygen og kulldioksid i blodet. Denne typen blodprøve er litt spesiell fordi vi må ta blod frå ei arterie (pulsåre). Oftast tek vi blodprøven frå pulsåra som ligg i handleddet.
Før
Blodprøve av arteriell blodgass treng inga førebuing.
Under
Legen vil først kjenner med to fingrar på undersida av handleddet ditt for å finne pulsslaga dine. Deretter blir nåla stukken inn i pulsåra og sprøyta blir fylt med blod. Etterpå fjernar vi nåla og du får eit kompresjonsplaster på stikkstaden.
Etter
I enkelte tilfelle kan det ta litt tid før det sluttar å blø. Dette gjeld spesielt personar som går på blodfortynnande medisinar. Då vil lege/sjukepleiar halde ein kompresjon over stikkstaden til blødinga stoppar.
Ver merksam
Det er sjeldan risikoforhold og komplikasjonar ved denne undersøkinga, men blødingar kan førekome. Dette gjeld spesielt personar som går på blodfortynnande medisinar.